கமர்கட்டு

கமர்கட்டு
தமாம் பாலா

பெட்டி நிறைய வாங்கிய
பால் இனிப்புகள் தந்தது
கசப்பான அனுபவத்தை

கலோரிக் கணக்கறியா
குண்டன் கிராமத்தான்
காசு கொடுத்து நோய்

வாங்குகிறான் என்றே
வேலைக் காரர்களுக்கு
அதிர்ஷ்டம் அவர் பெயர்

எழுதியிருந்தது போலும்
எண்ணியதைத் தின்ன
எளிமையாய் பேச பழக

இல்லை காலம் இன்று
கண்ணாடி ஜாடிக்குள்
கைவிட்டு எடுத்த நாள்

நேற்று, கமர்கட்டுக்கும்
போலியாய் தங்க தாள்
சுற்றி மதிப்புக் கூட்டும்

நாள் இன்று எப்போதோ
மென்ற கமர்கட்டு சுவை
நினைக்கவே இனிக்கும்