ஒன்று

ஒன்று
தமாம் பாலா

தாமரை இலையின் மேல்
தண்ணீர் துளிகள் போல்
தனித்திருக்கும் மனிதரில்

மழையாய் வந்து பொழிந்து
மண்ணுக்குள்ளே ஊடுருவி
மரத்தின் வேருக்குள் பரவும்

விரல்கள் ஐந்து கை ஒன்று
குரல்கள் பல பாடல் ஒன்று
மனிதர் பல குழுவது ஒன்று

எழுதல் உழைத்தல் நன்று
உழுதல் விளைச்சல் என்று
தழுவும் குறிக்கோள் ஒன்று

வெற்றிக்கு வழியே ஒன்று
பற்றிப் படரும் கொடிபோல்
சுற்றுப்புறத்துடன் நீ ஒன்று

ஒன்றாவிடில் உயர்வில்லை
ஒன்றே நன்றாகும் இன்றும்
என்றும் எங்கும் எப்போதும்