ஆசிரியப்பா

ஆசிரியப்பா
தமாம் பாலா

தரையில் தொடங்கி
தளத்தில் முடியும்படி
தன் முதுகில் சுமந்து
தரம் உயர்த்தும் ஏணி

மாதா பிதா குருவென
ஆதாம் ஏவாள் பெற்ற
மேதாவிப் பிள்ளையை
சூதானமாய் செதுக்கி

பட்டை தீட்டி வைரமாய்
பளபளவென மின்னச்
வைக்கும் சேவையால்
ஆசிரியர் ஆனாரப்பா

பத்து மாதம் சுமப்பாள்
தாய் பத்து முழு வருடம்
பள்ளியில் சுமந்தோர்
அள்ளி தந்த அறிவுக்கு

சொல்லிக் கொள்வோம்
சல்லியளவு நன்றியை
நேச நினைவில் நின்று
ஆசிரியர் தினம் இன்று