மடக்கு

மடக்கு
(கார்த்தி)

கவிதையே
எங்கே சென்றாய்
என்னைக் கண்டு பயம ஏன்

நான் என்ன செய்தேன்
ஏன் என்னைச் சேராமல் நிற்கிறாய்
நானும் எழுதுகிறேன்
கவிதையென்று

மடக்கி மடக்கி
உரைநடையை
என்ன செய்ய

நானறிந்த தமிழ் அப்படி
கவிக்கோ தயவிருந்தால்
வென்றிடலாம் கவிதையுலகை
தயவொன்று கிடைத்திடுமா

நான் படித்த
வைரமுத்து தமிழ்
கொண்டு அறிந்தேன்
இப்படித்தான்

மடக்கி மடக்கி
எழுதினால்
கவிதையென்று

எங்களூரில் இனிப்பொன்று
உண்டு மடக்கு என்று
நாடா போன்று மாவை
மடக்கி மடக்கி பொறித்து
இனிப்பேற்றி வைப்பார்கள்

அதைப் பார்த்து உண்டு
மகிழ்ந்ததனால்
எழுதினாரோ
கவிதையை
மடக்கி மடக்கி

நானும் உண்டதனால்
எழுதிப்பார்க்கிறேன்
மடக்கி மடக்கி
வந்து விடாதா
கவிதையும் என்று

மடக்கி மடக்கி
முயல்வதைப் பார்த்து
மடங்காமல்
தறிகெட்டு ஓடுகிறது
கவிதை
எனைக்கண்டு!

சோகத்துடன்
வைரமுத்துவுக்கு பக்கத்து ஊர்க்காரன்